Slik kan du ettergå fakturaen din
Du kan ettergå fakturaen din ved å;
1. Logge inn på min side.
2. Trykk på «se mitt forbruk» under grafen som viser forbruket for din bustad. Sjå bilde 1.
3. No kan du sjå prisar og forbruk basert på dag, veke, månad m.m. Du kan velje å få forbruket presentert via graf eller tabell, og du kan transportere og laste ned datagrunnlaget til excel. Sjå bilde 2.
Bilde 1: Oversikt “Min side”.
Bilde 2: Oversikt “Mitt forbruk“.
Fakturaoversikt
Lurer du på korleis fakturaen din er bygd opp?
Vår faktura består av ein kraftdel og ein nettdel;
Nettselskapet Straumnett har avtale om gjennomfakturering med Årdal Kraftlag AS. Det betyr at kundane i Årdal Kraftlag kun får éin faktura som inneheld både kraftforbruk, nettleige og avgifter.
Øvst på side 1 står beløp å betale, som er forbruk fordelt på kraft og nett. I tillegg viser ein forbruksgraf, månad for månad. Sjå bilde 3.
På side 2 får du detaljert oversikt. Sjå bilde 4.
Øvst får du opplysingar om anlegget ditt, som målepunktID, målernummer, leveringspunkt, antatt årsforbruk og produkt. NB. Alle privatkundar i Årdal Kraftlag har spotpris privat som sitt produkt, uavhengig om du har valt Norgespris eller straumstøtte.
I tabellen under får du opplysingar om straumforbruket (mengde) for den aktuelle perioden, og er den delen du blir fakturert frå Årdal Kraftlag. Lovpålagte kostnadar for elsertifikat er inkludert i påslaget. Denne ordninga bidreg til å finansiere kraft produsert frå fornybare energikjelder.
For å ettergå og forstå fakturabeløpet basert på informasjonen på faktura, kan du sjølv rekne deg fram til fakturabeløpet på kraftforbruket.
Sjå felt markert i gult i faktura-biletet.
Døme: 2559,30 kWh * 99,02 øre/kWh = kr 2534,21886. Dette vert avrunda til kr 2534,08.
Neste på fakturaen er opplysingar om nettleiga.
Energiledd dag og natt er prisa etter kraftforbruk (mengde), men prisane vert sett etter kva tid på døgnet krafta vert nytta.
Norgespris husholdning blir vist som ei justering, anten som fråtrekk (når spotpris > 50 øre/kWh) eller tillegg (når spotpris < 50 øre/kWh).
Kapasitetsledd er eit månadleg beløp basert på kor mykje straum du brukar samtidig. Kapasitetsleddet vert rekna ut frå gjennomsnittet av dei tre timane med høgast forbruk i månaden, og dannar grunnlaget for kva kapasitetstrinn du hamnar i.
Forbruksavgift og Enova Energi er begge statlege avgifter. Desse står oppført to gonger, og er på same måte som energiledd, prisa etter kva tid på døgnet krafta vert nytta (dag og natt).
Bilde 3: Side 1 på faktura.
Bilde 4: Side 2 på faktura.